阿豬搵錢日記 港股 April 3, 2025

特朗普Liberation Day宣佈全球性嘅報復性關稅，而會加征正中國34% 關稅，加埋之前嗰20%，總共係54%。美國期貨即刻大插，拖累到港股星期四低開接近600點，啱啱守到50天線。而家恆指係重要嘅 level。上年10月嘅高位，今年三月嘅低位，同50天線。如果跌穿，可以代表今年初開始嘅uptrend完結。

成個市場呢幾個星期都係等今日，原本以為特朗普冇咁癲，點知真係出咗個比預期高嘅關稅。連越南同柬埔寨，新關稅都去到接近50%，令到一眾出口股被拋售，尤其是係近五六年，因為第一次貿易戰而將啲廠房搬去嗰邊班友，瑞聲 (2018) 申州 (2313) 裕元 (551) 高偉 (1415) 創科 (669 )，再加上一眾出口相關如聯想 (992) 新秀麗 (1910) 同埋航運股 如東方海外 (316) 中遠 (1919) 海豐 (1308) 都受到幾大嘅沽壓。

而星期四主要都見到啲錢走返去啲本土慨念嘅板塊，比如內房 內需 電力。可能過吓大陸政又會講內循環雙循環。另一方面，美國會喺5月2號開始取消對中國大陸及香港寄往美國小型包裹的關稅豁免，令到一眾嘅電商鼓股如京東 (9618) 阿里巴巴 (9988) 拼多多 (PDD) 都跌得幾慘下。

而美國加關稅，市場反而冇擔心通脹壓力，而係更加擔心美國甚至全球衰退呢個層面上，而市場已經開始定價緊今年美聯儲會減息三至四次。

星期四跌市，港股成交升到接近3,000億，都有啲派貨嘅格局。而沽空比率升到半年新高嘅21%。如果美國隊落去，港股都難啲獨善其身。

HK short sell ratio

Watchlist Review

9863 反應算唔錯，喺咁嘅市場環境都成功突破。Push stop loss to day low of breakout day。其實長啲咁睇，而家美國咁樣打全球關稅。連佢啲盟友都打。咁將來佢哋仲會唔會同美國一齊打擊大陸嘅電動汽車工業呢？

6110差唔多要止蝕

Watchlist

2319 喺依個星期嘅波動股票都企得穩。概念上OK：內循環+牛奶（大陸鼓勵生小朋友）

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。