港股 Sept 4, 2025
Sep 4, 2025
大巿場喺9月3日抗戰勝利日閱兵之後回落。
呢個報道再引發新一輪沽售。而家恆生指數都跌穿咗嗰上升通道，
短期內都會係半導體/機械人/人工智能/生物科技，呢幾個過去幾個月升得最多嘅板塊，受到比較多嘅沽壓。阿里巴巴（9988）業績後爆升，但係仍受制於140元二月高位阻力，但管理層嘅語氣應該係三年來最樂觀，不過AI芯片研發仍需時日。美圖（1357）和快手（1024）均因為谷歌發佈Nano Banana而遭遇拋售，而百度（9888）卻意外顯著跑贏大盤，雖然間公司唔多掂，但係跑贏得咁犀利，值得留意。
比亞迪（1211）將年度銷售目標從550萬輛下調至460萬輛，降幅約16-20%，較2024年430萬輛同比增幅7%，但市場早已對公司銷售目標本存疑，上半年賣咗2.3百萬輛，所以出咗業績后市場開始調低佢嘅全年銷售數目。不過佢下半年嘅收入增長同毛利率應該仲係比市場預期低，個圖有啲似美團嘅走勢，似乎仲有空間落。另外一方面，小米（1810）8月31日當周的電動汽車保險註冊量達到11,900輛，周環比增長44%創歷史新高，突破自2025年3月以來6.5-7.5千輛的周均交付區間，不過已經有對沖基金開始沽空緊。
此外，注意到對衝基金在美國長週末後開始 gross down，（即係回補空頭並賣出多頭持倉），這可能是波動性短期內升高的早期信號，或是短線資金嗅到了某些風險。中資已經喺閱兵前就沽定啲升得多嘅醫藥/科技股票，轉入去內銀呢啲防守性比較高嘅板塊。市場焦點將集中於本週五美國非農就業數據—此前美國職位空缺降至10個月新低，且自新冠疫情以來首次出現失業人數超過崗位空缺數。9月開局市場已經轉趨謹慎，歐美債券收益率抽升，似乎預期市場波動性開始加劇。
Watchlist Review
2050 近兩日跌得好犀利調整咗10%。跌到落突破 level 以下。不過由於佢跌嗰時嘅成交不高，我會俾啲空間佢，繼續用原本嘅stop level嚟操控呢個交易
6680喺Discord分享嘅交易。我兩日前去跌到10天線同突破位嘅支持嗰時買。買咗之後曾經反彈得不錯，但係星期四跟住大市調整，嗰日candlestick就engulf晒星期三嘅反彈。唯一好點就係成交比較低
2823喺Discord分享嘅交易。星期四跌到20天線， uptrend line support +20ma支持時候買。呢個會係比較長線嘅交易(position Trade)。背後嘅假設係: 星期四中國股市調整A股跌咗2至4%。原因因為政府考慮cool down市場。咁係非常之正常同埋within expectation嘅方向。
佢哋唔想股市好似2024年九月， 2020疫情，或者2015年牛市咁樣90度升。升得快，遲早就會爆。不過邊唔想好似美股咁樣慢慢升10幾年？如果做到嘅話我諗個個國家都想，所以今個星期政府咁樣出嚟出口述cool down market，我覺得係完全within expectation。要明白佢哋唔係唔想股市升，只係唔想佢升得太快。之前中國股民唔敢炒股票係一回事，而家股民好想炒，而係政府叫佢冷靜啲係另一類sentiment。
第二點就係A股今年升咗10%，然後佢落後左咁多年。其實咁樣升返啲唔係咩泡沫。再睇埋佢升嘅速度，比起以往A股可以升嘅速度絕對比較慢，比較健康。所以我嘅睇法就係呢個升勢可以繼續。所以星期四佢跌嗰時我就入咗貨。保守啲嘅話可以用50天線做stop
3750 Discord分享。8/29 breakout時買咗，跟住同一日squat落嚟。過幾日星期四再breakout呢個阻力但是同日再squat返落嚟。暫時今日返計劃
Flying Kite
6618將stop profit提高啲去到60
6613上個星期話佢有啲似climax run所以喺$28至29呢就會賣多啲。今個星期有幾次係$28出貨賺+8.7R。過去幾日價格走勢繼續麻麻哋，跌嗰時成交幾高，我會將stop profit提高去到~$25.4。就算跌返落嚟走嘅話我都會賺+5.5R。
2208將stop profit調高啲
Watchlist
繼續關注緊883。就算過去幾日市場跌佢都企得好硬淨。有relative strength。
1211 (短倉交易機會) 成個電動汽車板塊走勢差(因為價格戰爭，需求唔夠，over supply)。1211股價最近跌穿200天線， 50天線就快都跌穿200天做成Death Cross。如果嚟緊價錢可以反彈返啲，去到上個月嘅低位，現時阻力，又有10 ， 20甚至200天線嘅阻力係一個佢跌嘅機會
免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。
