Oct 2, 2025
恆生指數開始進入超買區域：恆生指數去到上升軌道嘅 upper end of the range + RSI已達67，恆生科技指數RSI更觸及72。
市場焦點仍集中在科技/AI/半導體板塊，open AI估值去到5000億美元，同埋與韓國多家芯片製造商達成協議；另有報道稱Intel正洽談將AMD納入客戶名單，都令到芯片製造板塊非常之犀利，中芯（981）同華虹（1347）。而應用方面，阿里巴巴(9988)仍是佈局中國與AI主題的首選，JPM最新將目標價升到245。其次受OpenAI的Sora 2推動的快手(1024)全球知名AI基准测试机构Artificial Analysis发布了最新的全球视频生成大模型榜单，快手可灵2.5Turbo模型（1080P）分别以1329以及1252的Arena ELO基准测试评分登上图生视频、文生视频赛道榜首，超越Veo3、Ray3、PixVerse V5等模型。
小米(1810)在發佈新手小米17後下跌10%，注意到小米及雷軍在中國市場面臨越來越多批評，民衆嘅口風一致轉向，有跡象開始失去一啲民心。美團(3690)或者可開始關注，因為大家都知道佢嘅三季度業績唔得，而家只係要知道佢嘅第三季業績有幾差。
機器人領域都係會繼續，Tesla第三代人形機器人明年量產，Elon Musk預計2030年前將實現年產100萬台目標，關注優必選(9880)、地平線(9660)、德昌(179)，三花（2050）。據MS估算，目前全球約55%的機器人在技術上於中國生產，顯示了其在全球機器人供應鏈中的製造核心地位。
金融板塊中，銀行與保險股仍徘徊在50日均線下方，除非板塊出現快速轉勢，否則暫時都放棄先，始終呢啲前期升得太多，而家又唔係市場焦點，費事浪費子彈。券商股上周表現亮眼，主要都係春江鴨知道嚟緊證監會開"十五五"資本市場規劃座談會，不過會議就冇太大亮點，嚟緊又會剩淨返一排。
呢幾日市場趁着A股放假，啲錢買唔到A股就落嚟掃佢哋嘅H股 ，例如寧德時代3750三花2050恆瑞1276 藍思6613 美的300 天岳2613。
雖然中港股票短期升幅都唔少，但係好多國基金一直都想買/加，但係唔敢高追。而歐洲養老基金、捐贈基金和其他大型長期資金正在重新探索在華進行私募股權投資，包括凱雷，華平和太盟在內的收購型私募股權機構，正收到來自全球投資者有關投資中國的新一輪詢問，儘管迄今為止這些意向尚未轉化為任何投資，但已經與過去幾年的情況截然不同。短期雖然有機會獲利回吐，但係中長線繼續睇好，除非美股唔掂就另當別論。
Watchlist Review
6680一個base開始出現。我將stop level提高啲去到呢個base嘅低位，也是五十天以下。將交易風險縮小到0.5 R
2823 (Position Trade) 繼續發展得幾好。嚟緊個星期去到10月8號都係黃金周假期，所以佢唔會郁好多
772 最近冇乜動力。暫時stop level仲係放喺一樣位置（大概50天線)。如果係依個Trading Range反彈返上嚟嘅話去到買入點左右就會考慮提早放
9660 配股之後唔掂，失去陪股價同埋stop level。-1R離場。
1318 依排唔郁因為唔啱主題。但係走勢還OK所以我繼續揸住。話唔定黃金周之後會炒一浸內地消費概念
3896 都係受到配股影響。要啲時間消化返呢個供應，暫時未跌穿stop level
1171 今個星期跌到10天線嗰時買咗大概$10.2
688 (Position Trade) 今個星期啲同50天線是買了，大概$13.8
Flying Kite
放緊紙鷂嘅股票好多都同AI或機械有關。今個星期升咗十幾至20%。個計劃就係隨着股價上升，就將stop profit一度提高(好似個trailing stop咁)。而家放緊紙鷂剩返四個嘅倉位喺最差情況都會賺21R。
6613, 2208, 2050, 3750 all move stop-profit higher
而6618幾日前chok一chok， 震走咗。不過唔緊要，喺呢度都賺 7.2R。
Watchlist Review
AI，機械，同新科技板塊最近升得好勁，去到依個位唔少已經延伸(extended)同埋冇set up入場。加埋恆指同恒生科技指數開始超買。現時唔值得再搏(尤其是呢啲板塊)。
我會搵啲落後唔同概念嘅股票。例如上個星期Watches嘅1070我仲會關注。同埋美團有可能炒落後。
1070
3690一個short term trade博佢炒落後。等佢跌返啲去到大概$104入場。搏緊嘅upside同承受嘅downside都係單位%。不過回報對風險有2x
免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。
