星期一返嚟，大市唔係咁差，星期五夜期全世界部隊到limit down 嘅-5%。特朗普週末又放風冇取消同習近平嘅會議，加上去過100%關稅生效日期都係喺11月1號。市場又覺得特朗普繼續會TACO。中國呢幾下措施（收緊稀土出口，生效日期係12月1號，同埋加徵港口費用）都係學美國咁。但係收緊稀土出口，有機會令到美國同佢嘅盟友更加緊密。雖然中國在港口費用方面讓步 - 由中國建造的船舶免於繳納，但係另一方面聞泰科技 (600745) 子公司安世半導體近日遭荷蘭政府與法院雙重管控（受到美國指示）導致公司對安世暫時失去控制。所以中美而家都喺10月底APEC會議之前，雙方都爭取最多嘅籌碼去談判。
雖然今個禮拜返嚟大市表現冇預期中咁差，但係市場嘅風向都有啲改變，科技股都係沽多過買，就算加倉都係細細地試吓水溫，多更嘅資金都係寧願喺今年仲有兩個半月嘅時間沽貨鎖定利潤，費事臨尾香。反而抽啲錢出嚟趁上落市嘅時候炒下不同板塊。尤其是過去幾個月冇乜表現嘅內銀同內險咁。內銀就繼續穩穩陣陣收下息，加上平安繼續喺度掃貨，輸極有個譜。內險有新華人壽（1336）同埋財險（2328）相繼出咗第三季嘅盈喜，今年股市咁暢旺，內險嘅投資收入一定非常之好。所以嚟緊有機會係啲券商陸陸續續都會出盈喜，。
嚟緊下個禮拜就開四中全會，國內資金都係做吓樣，維吓穩。總理李強話要刺激消費，嚟緊下星期就係四中全會同埋12月會有嘅中央經濟工作會議，大家都賭下會繼續有政策去刺激消費。加上LV嘅中國表現比預期之中好。呢排A股啲白酒呢期都表現唔錯。隻老鋪黃金（6181）自從佢喺9月30號去IFC開咗舖頭之後，日日都大排長龍（當然因為金價日日都係咁升）大家都知道IFC上面有幾多基金公司，搞到唔少基金經理都對呢隻股票有啲興趣，尤其是啲外資基金特別鍾意呢啲有品牌嘅消費股，加上呢兩日成交激增值得留意。啲錢甚至炒到落去航空股 (e.g. 1055)，電訊股，石油股 (857)，同埋一路都冇乜人吼嘅煤炭股 (1171)。
科技股就暫時冇乜勢，韓國嘅三星同台灣嘅台積電第三季業績都非常之好，相信都會令到啲錢留返去台灣/韓國/日本嘅科技板塊。不過小心小米（1810）個圖非常肉酸，好似準備跳崖咁，自從佢哋推出咗小米17電話之後，國內對雷軍同小米嘅輿論都有彈冇讚，加上啱啱成都車禍燒死咗個司機。中心（981）同華虹（1347）睇嚟仲有沽售壓力，所以暫時科技板塊整體嚟講窄窄地。
最近又到國企 (HS SOE Index) 領先返科技股 (HS Tech Index)
Watchlist Review
過去星期嘅波動致使唔少倉位被避震走。
772, 1318, 3033, 1070, 3690 喺呢段時間嘅stop被trigger。總共輸 5R。
2823, 688 嘅計劃冇改變
1171 從base突破之後，我將stop loss調高啲去到呢個base嘅低位以下
1055 新買入
Flying Kite
放緊紙鷂嘅倉位都有唔少賣了
6613, 2050, 3750 喺星期一嗰時開咗一段穩定咗之後就放了。對買入價嚟講，總共賺咗13.1 R嘅風險單位。實質realized嘅利潤會係一半左右，因為另一半已經sold into strength took profit。跟住有啲係佢升嗰時trim咗。
2208 + 6680 繼續放緊
Watchlist - New
好多科技股喺過去幾個星期已經突破完同埋升咗一陣。然後而家開始pull back。嗰啲股票暫時冇乜嘢可以做。我而家留意緊啲舊經濟嘅板塊。搵啲有set up啱啱或者準備突破嘅。
9868 violate 嚟咗個set up。Remove佢
3323 星期三突破咗，星期四嘅pull back都好健康。如果未有貨嘅話我會考慮大概喺$6入市
2688 好似依隻咁。突破完低成交pullback返少少。去返呢啲位可以考慮入場。
免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。
